يوم الثلـوث مرَّين
من جنبي ثلاث
غزلان يتمشّين
ويالك من ثلاث
سلّمت باليدين
زعلين الـثلاث
قالين يامجنون
حد يعشق ثلاث
وبعد ذا قامين
يمشين الثلاث
خطـواتهن صارين
كل خطوة ثـلاث
فقلت لا تمشين
بالله ياثلاث
من قبل ماتدرين
مابي من ثلاث
عادين مهتزين
وقالين الثلاث
شانلتقي بعدين
في الساعة ثلاث
لكنهن راحين
وماجين الثلاث
خلـين نوم العـين
فارقني ثلاث
فقلت ليش غبتـين
مني ياثلاث
قولين ماشـفتين
مني ياثلاث
والله لو شئتين
روحي ياثلاث
شاقولكن شُلّين
وأقـسمها ثلاث
لو أنكـن تـدرين
قصدي ياثلاث
والله ماغبتين
يا أحلى ثلاث
مجنـون أحب اثنين
وإلا أعـشق ثـلاث
منكن أنا حبيت
وحده ياثلاث