يوم الأحد في طريقي
بالصدف قابلت واحد
غصب عني سرت بعـده
سرت ما هميت واحد
قلت له من غير ما اشعر
عاد شي رحمه لواحد
التفت نحوي وقال لي
روح يا مجنون واحد
روح شوف اهـلي عددهم
با يقع الفين واحد
قلـت له قصّر كلامـك
لا تزيّـد حـرف واحد
حتى لو تعداد اهلك
با يقع مليون واحد
ما يهموني وانا ذي
قط ما هميـت واحد
انت يا فتان مثلك
بالحلا ما شفت واحد
حنّ لك قلبي وانا ذي
كنت من واحد لواحد
قلت له ايش القبيله
قال انا من أصـل واحد
ارضنا ارض العروبه
والنسب والدين واحد
قال لو قصدك وصالي
شوف انا لي شرط واحد
روح حالا عند اهلي
وان يردك أي واحد
خذ حياتي لك هديه
لا تسلم قرش واحد
واهلي لو با يقتلوني
ما فرقتك شبر واحد
حتى لو با يدفنوني
نا وياك في قبر واحد