يقول بن لحول أغلى النـاس زعـلانِ
ويش الزعل يا صديق الروح من شانه
أنت الذي مايغيّر حبـك انـسانِ
حبك مزيد من الرحمن سبحانه
مؤمن بحبك ولا يتغير ايماني
والله على كفك المنقوش وابنانه
غثاك يا فايق الغزلان غثّاني
بعيني اتغير الوادي وسكانه
من غيّرك من يكون المذنب الجاني
لاهف ترى حمرة التفاح باوجانه
ياليّق الـروح يامريوش الاعيــان
اذا ابتسم لمعة البّراق باسنانه
عذبتني من عذابك عمد بالعاني
ومن غثاك امست العينين سهرانه
إن بك عيا غير تهتـف بي وتلقاني
لا مانرد الفرح يرجع لعدّانه
وان حد عليّ قـال شي فـالله يحجـاني
وصاحبك لا تسمّع قول عدوانه
ماأقول باتـسمع الحساد والشاني
من بعد عهد المحبه خـان من خانه
وان قلبكم ملّنا خلّي التّمنــانِ
لا شبّكت مايلت كفّات ميزانه
باصبر ولو حبكم في مخ عظـماني
باقول للنفس ذي تهواك غلطانه
والقلب يصبر ولا ينظر لحمد ثـاني
حتى ولو شاف مثلك نفس فنّانه
يصبر لما جاه ذي في حبك اوزاني
باصبر ويصبر لماسو فيه خلاّنه
هو ذي بحبك كوى عمره وكوّاني
ياغارة الله وايش بايـشفي اكوانه
يـاللّي جمالـك وصوفه عـدة الـوانِ
بحر الهوى في عيونه داخـل اجفانه
وفي جبينه جواهر نورها داني
تسمر على ضاوها في الليـل ضـيفانه
ومبسمه لا تكلم كلمه أغواني
بين الشفاتين له كلمات رنّانه
لاجيت أبا شي وكلّمنّي بها الهاني
أحلى من المطرب الفنان والحانه
وعنـق يلعب بثغره عقد مرجـان
والنهد عاده بدا رمّان فرجانه