على نفسي أنا الجاني
بحبه يدوم أنا البادي
وبقبل كل ماجاني
لأني كنت به حادي
نكذب كلّ ماقالوه
أنا أحسبه متفاني
لقيته للسفر زادي
وهو ياللأسف ثاني
نسى أمسي وأمجادي
ترفع بعد ماحطوه
كذا أسلوبه الداني
كذا يخطى ويـتادى
صبح مـصدر لأحزاني
وقف في صف حسادي
على درب الخطأ مشوه
جرح قلبي ووجـداني
وكدّر لـيلي الهادي
حبس دمعي بأعيـاني
ولكن رغم ذا.. عـادي
لأن عندي الجفا مكروه
قدر يومه تحدّاني
صدر حكمه بأبعـادي
وبالنكران جازاني
وعاف الصفاء مـيرادي
وعفته مثل ما عافوه