يا هالة الشمس لا تغيبين عن عيني
حرك ولا بـرد ليلٍ تـوحش غيـومه
أحب أنا الليل في سُهدي يواسيني
لـكـن ودي بليلٍ تضـوي نـجـومه
ودي الكواكب برحلتها تـخـاويـني
وافهم لغتها ولو هي غير مفهومه
ودي الثريا ضياها يلمس يديني
والبس البدر ثوبي والبس هدومه
واعيش في عالمه وانسى عناويني
وانسى وجودي وكل الدهر وهمومه
ومشاعر الحب ترقص في شراييني
الخيل ترقص إلو بالرسن ملجومه
إلا حب روحي وحسي ليل يصحيني
وان نام عني أنا اصحيه من نومه