يامسافر أمانه
قبل ما أقـول مُوَدَّعْ
اطـرح اطـرح فـؤادي
اتركه هو وشانه
لا تقل لا ولا مَعْ
خلّي الأمر عادي
ارحم ارحم حنانه
لا يسير شي مُضيّع
كالغريب في الـبلادِ
ما فعل شي خيانه
بس هو غير تولّع
هكذا في اعتقادي
بيت
يا تسافر وتطرح
لي فؤادي هنيّه
أو تخلّي سبيله
وان ضميرك عيـسمح
لك فنبَّي عليّه
أخترع لي وسيله
والقنوع منك أصلح
لي ونفسي رضيّه
قبل فرقه طويله
لا تقدم ضمانه
لي بأنك عترجع
أحسن اطرح فـؤادي
بيت
كم يحن المفارق
ويهيم الليالي
كم يدور فؤاده
لا تلوموه عاشق
ما معه قلب سالي
ماعليه شي نقاده
شوف أنا مش موافق
لك تغيب من قبالي
كيف ابيع الـسعاده
ماعتّدّي بنانه
من يدي بس اسمع
وانت مائي وزادي