يا حامل الاثقال خففها شوي ذا حمل ما ينشال
عاد النجد قدامه حسر وجبال يا مصعب مناله
ابكي على الاطلال وأذكر وإعتبر وش حول الاحوال
وأصحابي غدو بعد الجفا ما طال كل بعد حاله
هل عادني ع البال أو قدني وبس في سلة الاهمال
لا اخبار تبلغني ولا مرسال وش حد الرسالة
قلبي لهم ميال وعيوني عليهم دمعها سيال
لا والله مهما قالوا العذال ما أصغي للمقالة
متى متى ينجال هذا الغيم وتحط فوقنا الاسبال
نتلاقى محل ما تلتقي الأوعال واشبال الغزاله
الصبر يا رجال بكره تنفرج ويحلها الحلال
والمقصود يتحقق مع الآمال يالله بالجماله