ياباهي الجبـين.. كم مرّت سنين
وانا في أنـين.. لـيلي من بحين
قالوا مستحيل.. تحظى بالقليـل
خذ غيره بديل.. قلت لهـم منين
من غيرك مُنى قلبـي تطفي لـوعتي
من ذا يشبهك
ياذي انته اشجاني تسيّل دمعتي
هب عمري معك
والأنه تطول.. والآه كم تقول.. بس أهل الفضول
حبيته وباه ما بالقى كماه.. ادوّر له منين
ياباهي الجبين
ماأنساها ليالي مرت ياجميل
وانا بين نهدك والخد الأسيل
والشعر المنعثر والطرف الكحيل
تايه بينهم حاير وانته دليل
تضنيني وتشفيني .. تعدمني وتحييني
ماقد مر يكفيني.. هب عمري انين
ياباهي الجبين
إن تنسى أنا ماأنسى أيام الوصال
كم مرت ليالي ما احلاها ليـال
ساعة تلبس الفتنه ساعة الدلال
تتخطّر وتتمخْطَر والليل طال
حتى البدر غاب ما بين الـسحاب
يخشى الالتهاب.. من كثر العتـاب
ذا القلب ذاب واحنا ذايبين
كم كان القمر يـسحرنا ضـياه
واحنا في خيال.. يا باهي الجبين
كم من دهر مر مرينا معاه
نتحدى المحال
كنا ما نفكّر في اللّي بايصير
ما نحسسب حساب
ليه نحسب ونحن قررنا المصير
قفّلنا الكتاب
مانسمع كلام مانعرف ملام
نحيا في هيام.. ليت الوصـل دام
ليت الدهر نام.. ياباهي الجبين