ليل رُدّد لي مغانيك رَد
رُدْ بها رده برَدّهِ
غَيَّب الله الحَسَد
خَل كل مبسوط يسمَع غِناك
واضبط الأقوال يـابن حَمَد
ذي الليالي لَرضْ جَمِده
عاد بحري ماجَمَد
عن يا المبسوط بـاعطي ثَناك
عاد حَد يابن حَمَد عاد حَد
للسَّلا شدِّه وعِدِّه
بافتح الباب انقلد
بانذكّر بالغَنِاء ذا وذاك
حَي من سالي وحَي من وَلَد
إيه أم كلثوم عنده
فاق غُزلان البَلَد
في المغاني يا السَّلِي ما كَماك
من وُقع جَارَك حقيق استَعَد
يوم حل في خير بَلدهِ
بيت جَارَك للأبد
لاجل باسمع كل ليله سَلاك
يشرح الخاطر إذا قد ورد
لي طلع في الرأس نده
عطر عودي خَلِطْ نَد
ريتنا يازين لخادم وَرَاك
طرفي البـارح زِعِل ما رَقَد
ما تهنيِّة برَقده
غير في طرفي قهد
يا حَسين اللـَون ذا من هواك
المحبة ما تِجي بالشّدَد
يا محبي والمَوَدّه
غير ربَّك لي عَقَد
يحصلِ المقصود وعلى خَزاك
فَرحتي بَلْ سَلوتي لي وَعَد
لو وَعَد واخْلَف بوَعده
وأن سمح بالوصل بخد
باحتفظ بالخيم ما ناكَمال
وأنت يا شاهد عليّه شهد
ليتنا باكون عبده
يا يقع والله مسد
لي حصل دلاّل ينصح قفاك
ود لي يا سالي القلب وُد
منَّك المطلوب ودِّه
بالرِّضى وأنه نكد
بغى وِدَّك ولا بالَقـاكَ
وأنَّها تُمَناه وَدّي نَجد
ينطرح من فوق خدّه
زهر خدّك لي بَرَد
مع نسيم الـصُّبح ينفَح شَذَاكَ
والف صلّوا عَـد راعِـد رَعَد
عالنّعير تحنّ رَعده
عالنَّبي طُولِ الأبد
يا إلهي صل عـلى مُصطفاك