يا ورد ماأحلى جمالك بين الورود
ياغصن مااحلى قوامك لما تنود
قلبي عليك ولهان
عقلي وراك حيران
الزين ذا كله ولامرّة تجود
ريحك شذي ريح الشفا ريح المسرّه
لونك بهي خمري نقي في بُهْ حمرّه
ياورد يافتان
ماتروي العطشان
الزين ذا كله ولامره تجود
كامل من النقصان زايد بالفتن
بالما وبالخضره وبالوجه الحسن
لدن القوام
سيْد الغرام
الزين ذا كله ولامره تجود
فتان مامثلك خلق بين الوجود
شكلك تعدى الوصف في كل الحدود
شكلك لطيف
دمك خفيف
الزين ذا كله ولامره تجود
ذا بس وصفك كيف طعمك بالبيب
أحلى من السكر ومن طعم الزبيب
طعمك يذيب
قلبي الحبيب
الزين ذا كله ولامره تجود
ياورد ياغالي متى قلبك يطيع
في الصيف في فصل الشتا أوفي الربيع
كل الفصول
تحلف تقول
الزين ذا كله ولامره تجود
ليه بس ماتعطف وترحم ياحلا
وتعود لاحبابك وتترك ذا الغلا
اعطف وعد
بالوصل جد
الزين ذا كله ولامره تجود