يالله رضاك

يالله رضاك، ورد الغصون مغسول

شل العقول، رغدود حالي الطول

شناصبر على مافي الفؤاد وأقول

ما للقلوب غيره غريم مسئول

يالله رضاك، والفجر شع نوره

وأنا لقيت الزين من بكوره

بكر، وسقى الورد من عطوره

واغوى متيم تاه في بحوره

يالله رضاك،جنح الظـلام ولا

ولا هدا لي قلب او تـسلا

خلا فؤادي رمش عين كحلا

عنقود، من شرعة عنب تدلا

الفجر لاح، من طلعتك ونورك

والجو عاطر من أثر بخورك

سرب الفراش بكر غبش يزورك

وطاف حولك، وارتشف زهورك

لون الصباح، لونك وانت لونه

مثل الشذا والورد في غصونه

ومن صبر مثلي على شجونه

الله عون في الهوى وعونه