يالله اسألك توفقني لما يرضيك
ماهمي الا متى منته علي راضـي
وبدل العسر من يسرك لمن يدعيك
بكل مستقبل ارفع محنة الماضي
وعاد انا في عوض مقد مضاء راجيك
صلاح الولاد ذي عيني بهـم تاضـي
ياناصر الله على ماقلت لك يهديـك
ويرزقـك طاعتـه لاتسـرف الفاضـي
اوصيك الاخوان ذي برواحها تحميك
وتنصفك من عدوك لاتسرف الفاضي
اوصيك في الصدق ذي في موقعه ينجيك
وعرف من الحق ما يحكم به القاضي
وساعـد ايـام وقتـك كيفمـا تاتـيـك
من عادة الدهـر لـه مـده وكرباضـي
اهتم في خوض ملزمتك من التحريك
فيما وصلني خبر في كل الاخواضـي
لاقلت راقد فكيف النـوم بايهنيـك
وليـس يحتـاج مثـلـك للتفيـاضـي
ولاتقصـر وتعـمـل كلـمـا يعنـيـك
حل الغـرض لاتقـع للقـول متغاضـي
انت الذي من وراء ظهري مأمل فيك
مـن بعـد تسليـم للرحمـن فواضـي
لاقلت لك شـي فمره واحده تكفيك
بـادر بتنفيذهـا وتــرك للغـراضـي
خير العمل ما تبادر بـه لمـن يرجيك
فـي وقتمـا نطلبك نفـاذ الغراضـي
من ضيع الفرصه امساء الليل في تشكيك
نادم لمـا فـات مـا يهنـاه غماضـي
ولايفيـد الغثـى لافـات مـا يسلـيـك
وزل وقتـه علـى مديـون متقـاضـي
انته مكمل وثابت يبن اخي بو صيك
فالحزم تسلم مـن الناس التعراضي
هذا وكـن منتبه فيمـا يسـر اهليـك
فـي كـل حاجاتهـم اوكل الغراضـي
ولامرادي بكـدك فـي عسـر يعييك
لوكان غيري لكم ناصـح ووعاضـي
ماقصدي الا جميل الفعل ذي يعليك
يعجب صديقك وخصم السوء يغتاضي
اسال مـن الله ربي بالغنا يعطيك
مع جميع اخوتـك مـن رزق فياضي
انه كريم العطـاء هـو قـادراً يغنيك
من جود فضله وكم يبسط وقباضي
وازكـا التحيـات والتسليـم والتبريـك
على من الله وعدهم خير الحواضي
المصطفى ذي بفضله راجي التفكيك
من كـل عقـده ونرجى الله عواضي