يا قلبي علـيش الأسف
كم صاحب وعد واختلف
من ينكر هوانا حلف
والباري عليه الخلف
ماسوِّي وكيف العمل
نجمي في هواهم زحل
لا شاشكي ولا به نصف
والباري عليه الخلف
مهما كان شوقي اليه
شا تحمل وشاصبر عليه
يشرح لي فقط ما الهدف
والباري عليه الخلف
يامحبـوب خذني معـك
دنيا الحب هي لي ولك
من مثلي لطبعـك عـرف
والباري عليه الخلف
غيرك لافرقته يهون
اما فرقتك هي جنون
لكن شانتظر للصدف
والباري عليه الخلف
لـيل طال وانـت الـسبب
في حبك لقيت العجـب
لولا أنـت ما قل أسف
والباري عليه الخلف
المطلوب فرض السلام
قُلّي هو حلال أو حرام
دمع العين مازد وقف
والباري عليه الخلف
يامحبـوب دمع العيـون
سالت من عيوني عيون
يحيـى مهجته في التلف
والباري عليه الخلف