ياسين عليك ارزم يدك على العود
فالقلب باللحن الجميل مشدود
واسرح على معنى طويل ممدود
يُرقّص الطير فوق كل عنقود
دغدرغ بريشك قلبي المتيّم
وارعش بعودك جسمي المحطم
شِدَّ الوتر يطلع نغم منظم
يهز أعصابي فالقلب مخمود
صوتك جميل زيد ارفعه شويِّه
شاسَجِّله وشارسله هديه
أجمل هديه أغنيه طريّه
سلام مخصوص للحبيب ومحدود
اشرب وخَلِّي لي بقية الكاس
ننسى الهموم ونبتعد من الناس
ما اْشتيش هدار ولا ضجيج ووسواس
عقلي شرد منّي وصار مفقود
أشتي أهيم بالذكريات والاشــجان
واشدو مع طـير الحمام في الاغصان
ولا أريد أسمع كلام إنسان
ماشي علينا في الغرام منقود
أشتي حبيب القلب طال غيابه
مازد كتب ولارجع جوابه
ولا رحم قلبي ولاعذابه
مش هكذا الأسلوب أنت مجرود
أسلوبنا في الحب قد تطوّر
إلى التفاهم يا قمر مُصَوَّر
والفكر في دنيا الهوى تحرر
والعنف مرفوض عندنا ومرفود
العصر عصر اللطف والأناقه
مابش مجال لكثرة الحماقــه
شاعاتبك واستعمل اللباقه
هات لي جوابـك أي حـين عتعـود
شاستقبلك بالزهر والرياحين
واجعل طريقك كلها بساتين
وشاشتري لك أجمل الفساتين
وكلما تطلـب رخيص وموجود
وكل شيء في راحتك مُيَسَّر
حتى الفؤاد لو تطلبه مُحَضّر
يقوم بالواجب في شوقه اكثر
والله على هذا الكلام مشهود