ياذي عبرت الفضا بالله كيف الحقيقه
لو ما وصلت القمر؟
بيني وبين القمر حقي مسافة دقيقه
وما لقيت له أثر
ولا قدرت ألمحه حتى وهو في طريقه
وانا قوي النظر
مازد دريت هل أنا في حلم أو في حقيقه
ولا عقلت الخبر
…
يا لائمي فيه وهو روحي بلاش الملامه
مافيش للروح بديل
مابين اسمّيه قمر الإ يِخَلّي العدامه
والاّ فما له مثيل
ياليت من سايرة لا فجر يوم القيامه
ولو هي ايام قليل
با لازمه مثل ظله واتَّبِع له كلامه
وكيف ما مال اميل
…
يا ناس للمه لموه ليه ليش ليه حالوا الناس
بيني وبين الحبيب
إن همت فيه حلّقوالي بالسكاكين والأمواس
فكيف لو كان قريب
عادشي شعور بالمحبه والهوى عادشي احساس
بالقسمه أو بالنصيب؟
حتى الغرام ما سلم يا نانس من لكزة الفاس
عجيب والله عجيب