ياحبيبي رحم واعمل لخلك بصيره
من بعادك وهجـرك دوب قلبه بحيره
من يحب صاحبه يدركه من قبل يهتان
راقب الله في خلـك وِجُدْلُهْ بوصلك
لا تعذبه جُدْ لُه باللقا قبل يهلك
ليه تبخل على من في محبتك ولهان
كم تحمّلْ فؤادي من حمول الثقيله
يامـسكين أنا ما طقـت فـيهم بحيله
كلما جئت بخمس ردنا الجبر لي كان
وايش يفيدك اذا قـالوا مسيكين خلـك
مات في بحر عشقك والسبب فيه مهلـك
مايفيد الندم لا قده في وسط الكفان
ليله الـسعد عندي يا محبّي بقربـك
وانما الهم والاسقام في بعد وصلك
قربوا بالتلاقي لا تطيلون لشجان
يارعا الله في الشرقي ليالي جميله
طاب أنسي بسهراته وطيبة مقيله
حي ذيك المثاوي وأهلها خير خلان