يابدر طالع ونوره في الـسماء شعشع
نزلت للأرض للمه هكذا عاني
ولعت قلبـي وخليت العيون تدمع
من يوم فارقتنا يابدر صنعاني
للمه تجنيت للمه والفؤاد مولع
هايم بحبك وعاشق فيك ياغاني
يشهد لي الله إن القلب يتقطع
سهران لـيلي ودمعـي جرح أجفاني
ولعتني با الهوى ولعتني يا أتلع
ماحد خطف مهجتي غيرك وياجـاني
والكون يشهد بعشقي والعباد أجمع
إني هويتك وما أهوى سواك ثاني
وأبيات شعري وأنغامي بها تسجع
طير الغصون والبلابل وسط بستاني
والغيد في وسط صنعاء مالها مرجع
لا دندن العود إلا نغمة الحاني
موجع فؤادي أنا يافاتني موجع
وأنت الـسبب في أسى قلبـي وأشجاني
يانور قلبي ويابدر البـدور و أروع
من كل هيفاء وغاني فيك ولهاني
متى متى نلتقي قُلي متى تفزع
يابدر صنعاء اليمن يانور أعياني