ياحضرموت الفتن والفوضويه
مابينهم خائف تروحـى الـضحيه
والا يقع بيع والقيمة دنيه .. من دون دلال
الرأى وينه فقد والمعقليه
والوعى تم ما بقت منه بقيه
وشبابنا ما معاهم طيب نيه .. كله تهقال
حد ضال يتبع هوى راسه وغيّه
وحد يثرثر ولا عنده دريه
وحد على غش نفسه منطويه .. عالناس يحتال
كل يفتش كياسه الداخليه
يشوف شى وسطها والا خليه
من قبل تشرق على راسه الضحيه .. والغيم ينجال
ياحضر موت اعمـلى كوني وفيه
وانت باالله مازلتى غنيه
وبالعمل.. لاتخدمين القضيه.. بالقيل والقال