ولا ذي لَوّ له منّك ولا ذي الثانيه
ونقبل مايجي منك ونفسي راضيه
ولكن قد تجي وحده ولا تلقى قبول
ورا الايام لك وحدك
ومهما طال بك سعدك
مصيره ينتهي ويزول
وراك ضربتني ياخل ضربة قاضيهْ
ولاهي في محل معروف من كل ناحيهْ
ونصّرته علي أهل السبب وأهل الفضول
ورا الايام لك وحدك
ومهما طال بك سعدك
مصيره ينتهي ويزول
منين الغيم لي كدر سماك الصافيه
ولي خلاك تتناسى الليالي الماضيه
ذريت ارضي عمل وِقْفِيْت والموسم سبول
ورا الايام لك وحدك
ومهما طال بك سعدك
مصيره ينتهي ويزول
أنا ماقول ذا خائن حبالُهْ باليه
ولا باقول ذا غدّار ماله تاليه
أنا ماقولها لكنّ غيري بايقول
ورا الايام لك وحدك
ومهما طال بك سعدك
مصيره ينتهي ويزول