قال المصعبي عبدالله وش السر مانا عارف
سلمنا ولا رديتوا يا مولا الجمال الكالف
ما انتي مثل صيد الرمله يا غزلان شعب الطايف
تبخل بالتحيه عنا وش ذا الطبع وش ذا الـسالف
قف لحنا عرب من جنسك مالك من لوام شاعف
لاتختاف اناذي قلبي من نظرة جمالك خـايف
عينك في الهوى صابتني صوب الشر ماهو طارف
مدري قد رمت حد قبلي من رمش العيون السارف
اعيان المها خلتني ساعه في طريقي واقف
كنه امر في توقيفي واستمثلت مابا خالف
ثر حكم المحبه جاير له صوب الجليل الصادف
في لحظه جرفني سـيله في بحر الغرام الجـارف
ماجينا هنا من شانك يالغصن الرطيب النايف
ياذي نظرتك خلتني من غرسة بلادي عايف