هذا حبيبـي صدّقوني
لا غاب لحظه عن عيـوني
يزيد له شوقي وحبي
والنوم يشرد من جفـوني
أفرح إلى شفته قبالي
لا سابني ليله لحالي
أزعل ولا يرتاح بالي
وتكثر آلامي وشجوني
أذوب من نظرة عيونه
دنياي ما تحلى بدونه
بسمتي من ضحكة سنونه
ومن جماله يا جنوني
هو في المحبه راس مالي
وأفديه أنا بحالي ومالي
عايش معي طول الليالي
دنياه وش تسوى بدوني
يستاهل الحب والمحبه
تطيب أوقاتي بجنبه
والشوق في قلبي وقلبه
عيناه تخاطب به عيوني