نوارس عدن

يا نوارسْ عَـدنْ

بين البُرَيقَهْ وصــيرَهْ

طالْ ليلْ الشَّجنْ

وانَا قليلْ البَصِيرَهْ

اللّيالي طوَالْ

يا راقد الليلْ ويْنَكْ؟

لو عرفتْ الجَمَالْ

عرفتْ زَيْنَكْ وشِيْنَكْ

كلّ شِي فيهْ عالْ

والسِّرْ بَيني وبينِكْ

أنتْ في الناسْ مَنْ

إنْ كانْ قلبـكْ دُبِــيْرَهْ؟

أنتْ واحدْ مَجَنْ

والاّ حَجَرْ في جَزيرَهْ

لوْ يكُنْ لي مَجالْ

سريتْ مَسْرَى أبوْ زيدْ

حينْ يغيبْ الهِلالْ

ما خافْ زَرْبَهْ ولاَ حيدْ

وابذلْ الرُّوح والمالْ

بدونْ ما شرْطْ أوْ قيدْ

مِن أجلِ حُمْرْ الوَجَنْ

واجلْ العيونْ المُثِيْرَهْ

ما دامْ والحبْ فنْ

يشتي عواطفْ كبيرهْ

مَنْ عشقْ مِنَّنا عاشْ

عيشةْ مَلِكْ طاهرْ التّاجْ

حتَّى ولوْ تحتْ مِعشاشْ

لِيَابِسْ الخبزْ مُحْتاجْ

وانصحَكْ بالبلاشْ

تعشقْ وللهَمْ فرَّاجْ