من نظرة العـين قلبـي في المحبِّه معَذَب
لانوم ذقُته ولا مِطعَم هنيّه ومشرب
بيِّت مهِايم ولعيان يبكين
لييل سمير الكواكب بـان او غاب كوكب
لا جوَّح الليل تلقانا بفرشي تقلّب
كانّا على جمر مضباه يشوين
كُلُه سبيه النظر لي في عذابي تسبَّب
قَطّع فؤادي وقلبي منّه اصبَح مصَوَّب
ياريت لعيان لي صِبِن يدرين
حَالِه خطيره يكالف من تُوَلّـع ومن حَب
يشاهِد الموت كل ساعَه ونـيران تلهب
عسى عسى بعد ما لقِيْن يرثين
بليت وانشِبِت والحَبَّان مسكين ينْشَب
لا جيت باقنع لحقت لاقلـب مـاطاعَنا شَب
عذاب قال المحبّه عندنا زين
صابر عـلى ماجرى عـل ما تكتّب
من لَحظِهِن لي خذا روحي وبالعقـل يلعب
والقلب مغصوب قسّمه قسمين
جابوا لنا في ميـازر وَصِفْ في كُل مَطلب
حَسَّيت من ذكرهن نومي من المين جَنّب
والقلب زادته بالذّكر شُوقين
في الجوف بالذّكر شَبَّت نار والعقل غَيَّب
وايش عاد العين شافت ذاك لي هو
ملبلـب
لي شلّ شهرَه على امّات مقصين
ودَّيت نظرَه بنُص في عين تِكفي وباذهب
هَيَّا عسى الواسِطَه ينصَح لمن باه قَرَّب
أن باثَمَن يستلم نقد لا دين
هت بالمُغنّي عسى هو جيد لي به تسلب
يدخل به الحرب في ساعة مُناديه طَـرَّب
وان هو وُقِع فسِل عَهوين عَهوين
رُدّ لي خَبَر خَلّنا بـافرح وبه باتعجّب
باقول شاجع وباهَنّيِه في الزِّين قلّـب
والضّيم إن قُلت خُبْرَه ولد يادين