نار الشك

ترفق ياحبيبي أنا ما احمل جفاك

حبيبي ليه تتعذّب

بنار الشك ليه

وعالحبَّان تتقلّب

وتتجنَّى عليه

حبيبي كل ذا ماله لزوم

ولا يحتاج تتحمَّل هموم

أمانه مامعي غيرك ولا أهوى سواك

عَلّيْ تظلم عَلَي تقسى

وقد وَلّعْتنا

تُبى تهجر تُبى تنسى

وقد وَقّعْتنا

إذا شي في سماء حبك غيوم

تغطي عالكواكـب والنجوم

تأكَّد بايهب النُّود باتصفي سماك

أنا لو كنت ما حبَّك

عَلَى مَهْ باخْدعك

سأل روحك سأل قلبك

أنا ليه أتبعك

وكيف أذعنت لك في ظرف يوم

ولا فَكّرت في من بايلوم

وعادك ياحبيبي رغم ذا لا زلت شاك

كفى من شك كفى حيره

كفايه من عذاب

ولا تدخلك شي غـيره

وتتخيّل سراب

أنا اعطيت لك كل ماتروم

وحب صادق ومخلص بايـدوم

على رغم العواذل كلهم هذا وذاك

تِرَفّق ياحبيبي أنا ما احمل جفاك