مول شوعه مول شوعه وقب
ماتوطّى من مكانه غلب
بالغلافيل عامد
له عليها موارد
ماتعزه بقوعه
لا وَرَدْ يومين عالحوض غب
بالجنا والفوش عنده رغب
هو على الفُرق قايد
والظبا والخرايد
تحت أمره وطوعه
ما يبالي بالشَّبَكْ لا انتصب
لا تربّع فوق حاجب غصب
وان دكى عالسواعد
مربعي له عوايد
الوعر مايصوعه
ون لقيته بعد طول التعب
فَرّ والاّمَرّ مني جَنَبْ
وان تحدى وعاند
جاه بندقي بارد
مانخر في ضلوعه
ليه نافر ما عرفت السبب
كلما شم الذخيرة هرب
لا سنا الواد صاعد
فيه يلقي منافد
قده يعرف فروعه
ماتربّى عالحَبَضْ واللثب
يِقْطِف إلا الغصن مول الشعب
من عِدِمْ لا لساود
ما يشوف المقالد
أوَ حُفَرْ باسبوعه