من هم قلبه بالطمع با يعيش بين الناس مهموم

راعي الغنم في الشعب يبغى له سكن في المدينه

والحاذق الصياد يبغى له

زراعه وطينه

زاد الطمع في الناس والحراث عاكس طبينه

ما حد بغى المقسوم

وين القناعه والرضا والصدق لي كان وينه

ما بين هاذولا وذو لا غاب ما شفت

عينه

أن صحت قالوا لي تِحلّى بالهدوء والـسكينه

لا تذكر المرحوم

عدّى الزمن لي كان به ما يقسمونه رضـينا

بالوزن أو بالكيل و بالقطع أو

بالرهينه

مااليوم مول الدين عابابـك يطالــب بدينــه

خارجه يا سلوم

ذبحوا عيال الجامحه وتغاوروا عالسمينه

ما امّنوا الذبّاح كل منّهم شل سِكِينه

الله يعين الناس لا ما جات الاقسام عينه

كل من قعد بايقوم

ما يهتم الا من في البعد فارق ضنينه

والأمل في العشق حملة فـوق ظهـره

رزينه

والجبر للمحبوب لو طالت وجارت سنينه

يبقى معي ويدوم

الود بين الناس والمعروف سلعة ثمينه

كل من حفظها في زمانه صان عرضه ودينه

والحب ما هو بالطمع إلا بكلمة حَسِينه

لي تنصف المظلوم