ذا فصل ساعة خطر
قلت له يارقيق الطبع كلمة ولو جبر خاطر
راقب الله شفنا في خطر
قال صبرك على حمل المشقة والأخطار
يوم عدّى ومر
صرت مملوك له وأصبح على القلب حـاكم وآمـر
بانطيعـه اذا يبغى أمر
لكن الخل يظهر ما يحب التأمّار
قلت له شي بصر
للمحب يارشيق الخصر يـاللي بوجهك مباصر
قال لي كل حاجة بالبصر
قلت خائف يطول الصبر يـانور الابـصار
قال إيش الخبر
قلت خلّى الهوى مكتوم وأحذر بسري تخابر
خائف الناس تسمع ذا الخبر
يصبح الحب ياخلي اشاعات وأخبار
وقلت قصدي سمر
وسط عيديد أنا وياك يـانجم ضاوي وسامر
يوم لقياك بايحلى السمر
شوف لاجيت بانبعد من الجوف مسمار
زارنا في السَّحَر
قلـت آنست في لقياك شرفت يـاخير ساحر
ياسلى القلب حسنك كيف سحر
عقل إنسان عمره ما يؤمن بالأسحار
يوم وَجْهُهْ سفر
قلت هذا قمر في نصف شعبان والا صبح سافر
كنت ناوي وعازم عالسفر
يوم شفته خلفت العزم وبطلت الاسفار