منك ولا عاد مني

حبيبي ما كان ظني .. انك تميل يوم عني

لكن ولو هو تجني .. منك ولا عاد مني

حبيبي يا قرّة العين .. ما زال وعد اللقا دين

وان كنت ناوي على البين .. منك ولا عاد مني

انا اقدر انسى المحاسن .. ذي فيك وسحر المباسم

واترك غرامك ولكن .. منك ولا عاد مني

ما اسخاش انا اكون بادع .. ولو تكون بالدوافع

اشتي تكون المواجع .. منك ولا عاد مني

فثق قليل يا حبيبي .. واطفي بقربك لهيبي

وان ما عترحم نحيبي .. منك والا عاد مني

وان ما وسعنيش حلمك .. شا اصبر على كثر ظلمك

واقنع فؤادي بحكمك .. منك والا عاد مني

تحكم أشيل الرواسي .. شا اقبل ولو حكم قاسي

على عيوني وراسي .. منك والا عاد مني

شا اقل اذا طال مطالك .. واحرق فؤادي دلالك

واحرمتني من وصالك .. منك ولا عاد مني

مريت من جنب بابك .. ادعي ولحد يجبني

ان كان قلبك تقنع منك .. منك ولا عاد مني