ياليل زانتْ جفونك
هذي النجوم المضيَّه
يحلا لي اسهر معاها
وعيش ليله هنيَّه
مع خيالي الخصيب
وطيف أإلى حبيب
وهمس نبضات قلبي
وصوت نغمه شجيه
ياليل باعيش وحدي
وخاطبك بالمواويل
من بعد ما طال سهدي
ودمع عيني جرى سيل
على فراق المهلاَّ
ذي غاب عني وولى
والقلب رافض فراقه
والنفس له مشتهيه
ياليل ذكرى حبيبي
باحيا لها كل عمري
فيها الأمل مثل نجمك
ملهم لقلبي وفكري
مازلت حافظ عهوده
ذي قلتها في وجوده
مهما تعذب فؤادي
روابط الحب قويه
الفجر شعشع بنوره
مدّ الخيوط السنيه
والروض صحَّى زهوره
ترسل روايح شذيه
تمسح دموع اكتآبي
تحيى براعم شبابي
تقول جينا ومعنا
لك من حبيبك تحيه