كيف تبغاني أحبك واتبعك
وانته افكارك عـن افكـاري بعيد
واخرتها لامتى ابقا معك
وقلبـك القاسي عَلَيْ مثل الحديد
غصب عني في المحبة با قطعك
والسبب انته ولا هو من بعيد
بعد هذا اليوم ما باطاوعك
الفراق احسن وذا الحل الوحيـد
خل غرورك في المحبة ينفعك
وحاول انك من دروسي تستفيد
لا تحِسِّبْها سوا أصابعك
لا حبيبي تختلف هذا أكيد
انت طامع فيّ وباين مطمعك
كل شي تبغاه لك هل من مزيد
كم وكم حاولت أردك وامنعك
للأسف لا قيت اطماعك تزيد