مشتاقين

مشتاقين للربع في الغيضه.. مشتاقين

مرتاحين أو بعدنا هم غير مرتاحين

شوفوهم وتخبروا عنهم

زوروهم لما أماكنهم

قالوا حولهم زهر ورياحين

خِفّ السوق بالله ياطيار خِفّ السوق

نار الشوق ماشي كماها نار نار الـشوق

طِمِّنهم بالوصل طِمِّنهم

لاتِشْطِنْ نحن وتشطنهم

مامعهم بالوصل علم اليقين

وادي الخير لاخصبت أمطاره يلقي خير

غنى الطير عاروس أشـجاره غنى الطير

والزراع زانت مزارعهم

والرعيان والبوش تتبعهم

ياكم من بكره تحن حنين

لَوْلَكْ عين تنظر وعول الواد لو لك عين

كم من زين من بعدهم ماعاد بعـده زين

قنّاصه قصرت بنادقهم

وان كَذْبوا مَحّد يصدقهم

من يقدر في حامل اثمانين

يشرب يوم من عِدّه الهاني ويغب يوم

ماشي لوم لو سرت له عاني ماشي لـوم

كم عشاق من قبلك أتعبهم

والعشاق وعره مداهبهم

لا تحسبه حبحب على السكين