مانسيتك ولا بانسى جــلال المكـلاّ
لي بها البـشر حـل.. والانـس خـيَّم وظـلاّ
ما نسيتك ولا با انساك حاشا وكلا
يشهد الله لي قدر فراق المحبين
كيف بانساك وانسى اصحاب بالحب أولى
ألف لا.. ألف لا ماكنتوا قط اصلا
بعتكم بالوفا روحاً وقلباً وعقلا
والثمن للزمن باقي لنا عندكم دين
يومنا حين لا شفته في الجو علّى
قلت خذني قدا احبابي قفا وولّى
والنسيم العطر لا مرَّ بي قلت مهلا
طيب ريحك مكلاّوي وشحري من الـزين
يا هلا يا هلا يا احباب ما قلب يخلا
من هواكم ولا من اجلكـم روح تغلا
يقع يوم انستم وأهلا وسهلا
نلتقي بعد طول الهجر والبين