من علمك ذا الهجر والبعد عني
يا فاتني قل لي ايش صار مني
اذكر عهود الحب والأنس لي طاب
حبك بقلبي وانا في صغر سني
ياطب الأنفاس يانور عيني
لا تسمع الحساد هم وأهل الاسباب
الـشوق زائد خاف ربـك رحمني
والا نويت احسن بقتلي ودفني
ارحم قليبي قبل يتعب وينذاب
مفتون بعدك اقول لَوْ حَدْ سألني
ونمت لك احساس كامل وفنّي
حذرك تصدق كل من كان كذاب
اسمح بوصلك قبل ذا العمر يفنى
وأحسن معي ظنك كما حسن ظنـي
وأغنم شباب المحب لي بيننا شاب