ليل قل دان يالسامر
وبغيتك ترد لي نغم ذيك الليالي
لي خذت وقت من عمري
وأصبح في فؤادي ذكرها اليوم مدفون
بااتذكّر حمى العامر
واتذكر ليالي في سفوح الجبالِ
تحت ضوّ القمر نسري
لا فوق الروابي والحبايب يغنون
عشت لاغَبّك الماطر
ياشعب الخضيرة او عدمت الـسبالي
فيك سرب الظباء تسري
تقطف من جروبك تين وعنب وزيتون
وانت ياطير يا عابر
لا ذيك الروابي خذ معك دمع غالي
لو وصلت الحمى بدري
انثرها دموعي حيثما اهله يسمرون
بايخر نجمي الزاهر
بايلقط دموعي مثل لقط اللالي
وان تخبرك من أمري
قل له من فراقـك صار له قلب محنون