ليلة فرحنا

مرحبْ وحيّا بحالي المبسم الوردي

ياورد فاتشْ مُسقَّى شَقْطُفِهْ وحْدي

والله لا اسمُرْ معكْ ياحالي المبسمْ

وابيع روحى ويكفى لو أشمكْ شَمْ

طابَ اللقاءْ طابْ ياأحبابْ بعد البينْ

والحب غلابْ وأمرهْ قد جمعْ قلبينْ

يالله يااحبابْ مادامَ القمرْ سامرْ

نسمرْ على العودْ والزفهْ إلى باكرْ

ما احلى التلاقىْ مع الأحبابْ فى المسمَرْ

والشمع زاهىْ يشوقْ كلَّ حدْ يسهرْ

ياليلة النور هنّى باللقا العشاقْ

وبرّدي بالتلاقى حُرقةَ الأشواقْ

ياربِّ بالحبِّ طولَ العمْر هنّينا

ولا تخلِّى الحَزَنْ يعرفْ ليالينا

زغردين ياشموس الحسنْ ليلةْ فَرَحْنا

واهدين لقانا الطروبْ بَخُور عنبرْ وعودْ

زُفِّينْ أحلَى عريسْ شِلِّينْ دانهْ ومغْنَى

ورشرشينْ الدروبْ عطور ورد الخدودْ

ويا أماني النفوسْ حضن الهوى قمد جَمَعْنا

وهزَّ نبضَ القلوبْ الدّانْ من كلِّ عودْ

والأنس يملا كؤوس الحسن من نور قَمَرْنا

والشمع زاهى يذوب من حولنا والبرودْ

الليل طاب العناق

من بعد طول الفراقْ

والفاتنات الرِّشاقْ

تهدي الأماني الرقاقْ

في ليل سَعْدَ السُّعودْ

يامرحبا بالحضور

زدتم عل النور نورْ

هنّوا عريسَ السرورْ

في بدر نصف الشهورْ

ريم البوادى الشرود

يا أُنسَنا والحبورْ

خلّى الأماني تدورْ

فلنبتسم ياسرور

رددْ أغاني الطيورْ

رقّص معانا الوجودْ

ياوعدنا المتتظر

في الباديهْ والحَضرْ

عهد التناهى دَمَرْ

والوُدْ عُمرهْ ظهرْ

بالحب شافي الردود