ليش الهدار والداويه
وليش رزام الكلام
زارت حكاية ماضـيه
أشد من ضرب الحسام
يا نفس كوني راضيه
بما كتب لش في الغرام
حياتنا هي فانيه
وكل مافيها حطام
سلام سلام يا راعيه
قالت عليك ازكى الـسلام
حيا بكم في الباديـه
ما غردت بيض الحـمام
من الضيوف الغاليـه
وما هدفهم والمرام
فقلت حاجة عاديه
لا تستحق الاهـتمام
قالت عوايد جاريه
عند الاكابر والعوام
فقلت نفسي ضاميه
وأنا معارف مستهام
وفي الثمان الماضـيه
سالت دموعي كالغمام
مصايبي متواليه
والعين طلقها المنام
الناس جملة ساليه
وأنا معي الإتهام
الواسطه مش واعيه
جنت عليّا والـسلام
تخورت لي جاريه
وزادت الظلمه ضـلام
لعلها مش داريه
لاجل هذا لا تلام
البنت اصلا غاويه
والمزوجه تشتي نظام
مالي بمكلف حاليه
وفمها يشتي لجام
دون العيون الساجيه
واخلاقها ماهو تمام
البهذله مش ناهيه
وزايد الناس العظام
كل السنين الماضيه
سارت من الشبه حرام
هذا نصيحة وافيه
التجربه عشرين عام
بدأتها في ماويه
وفي رداع كان التمام
سار العمر في داهيه
ويحسن الله الختام
وازكى الصلاة الغاشـيه
على المشفع في الانام