خَضّر الوادي في شعب رقمان
يابخت حلانه... والشجر دننين
ارحم ياكحيل العين
ماسكن قلبي باللحن والدان
ذكره خلانه... بعد طول البين
ارحم ياكحيل العين
فيش من صبري كالفت نيران
في الجوف رشانه... جمرها يلضين
ارحم يا كحيل العين
ضيعو عهدي وكان ماكـان
شي جود وزيانه ... بيننا الاثنين
ارحم يا كحيل العين
وين معروفي قد ضاع ما بان
في العذب لي خانه... والمروّه وين
ارحم يا كحيل العين
كم علي وحدي فرقه ونسيان
للعهد وخيانه... قهر من شقين
ارحم ياكحيل العين
ياصبا نجدي لَقْ جود واحسان
بلغهم الامانه... والكلام الزين
ارحم ياكحيل العين
قلهم يكفي هذا التمنان
والمطل ماشانه... اشفقو بحسين
ارحم ياكحيل العين