لما متى تبكي يا قلبي المجروح
هات الدوا يا عينـي ياحيـاة الروح
ليه الجفا منّكْ شُفْ كلّ شي مطروح
يا الله عسى ليلة فيها سَمَرْ مشلوح
وياحمام البانة فوق غصنكْ نوح
ذكرتئي با حبابي فين انا بأروح
وانا على عهدي بالسرّ ما بابوح
ياعود ما وردي ذا اليوم حِلّكْ فوح
بأ شهد من ثغركْ حالي عسلْ ممروح
ماعاد بأ قات المالي ولا المكدوح
بأ خمر من ثغر الغان غـَدا المـصبوح
ولوز صَنعاني مَزّة مِزِجْ مملوح
وما فعلتُهْ في باب الهوى مسموح
بسْ قَعْ وِرِشْ حالي وقع فتى فحفوح
واكسبْ من الغـالي لا تكـسب المبيـوح
وقَعْ من الراحةْ والعزّ في بحبوح
ولا تبات الا سامرْ سَلْي مشروح
لا شي تحمّلْ في قلبكْ سفينة نوح
اجلي همومك في ساعة طرب ممدوح
لا ترهن البطحا فيها ولا المبطوح