مادمت ما انته من أهله
مالك وللحب مالك
تحمِّل الناس ثقله
وتروح لك بعد حالـك
غلطان تحمل موله وانته لها ما تطيق
دخلت يـاخير دخله
رسّخت فيها حِلالك
وبعد سوّيت شغله
رمت بنا في المهالك
خلّيت نحنا نعاني زرّه وكتمه وضيق
لاتحـسب الحـب رحله
تسبح بها في خيالـك
والاّ عبارات سهله
تسوق فيها دلالك
الحب مراحل طويله وبحر واسع عميق
عذّبني الحب ولجله
سريت في ليل حالك
وقلت باعطيك مُهله
يطلّ فيها هلالك
واصبحت ضيّعت نحنا مرّه وضاع الطريق
ياقلـب إنساه خلّه
من لا يـرد عا سؤالك
إلى متى في مذلّه
يكفي كفى ما جرى لـك
ومن الزلل والمتاهه اليوم لازم نفيق