لا اقدر لهجرك

ياظبي نافر بنار الهجر يكويني

ومن لخياله بطيف الوصل يغريني

كم قلت لك يامنى قلبي ونور العـين

( لا أقدر لهجرك ولا غيرك يسليني)

ياظبي من وين لك هذا الدلع من ويـن؟

احرقت دمعي بنيران الجفا يازين

كم قلت لك يـامنى قلبـي ونور العـين

( لا أقدر لهجرك ولا غيرك يسليني)

ما أحلاك يافاتني في مشيتك ما أحلاك

كل الظبا تحسدك، كل الظبا تهواك

فارحم ضنى عاشقك واعطف على مضناك

( لا أقدر لهجرك ولا غيرك يسليني)

أنت الأمل والمنى يا ظبي يا فتان

وأنت السهر والضنى للعاشق الوهان

أشعلت روحي بنار الشوق والأشـجان

( لا أقدر لهجرك ولا غيرك يسليني)