لا تَشِلَّوني ولا تطرحوني
سّلَّموا روحي لذي هم يحبّوهْ
يابَصرْ عيني ونِيني عيوني
قلبي العاطش رضي لا تفوتوهْ
والنَّبي مابا الذي ما يبوني
لو يُسَوُّوا لي أيش ماسَوَّوا وجابوهْ
لايجوا حولي ولا يقربوني
عَادْ في الدنيا سواهم يلاقوهْ
يارفاقي عفوكمْ واعذروني
واتركوا حالي لِمَنْ جَوْ يزورهْ
والشفاء يحصلْ متى قابلوني
صَحّ قلبي لا نَظَرْ مَن يَعِزّوهْ
ياحبايب باللقاء شرِّ فوني
والشفاء فيكم لقلبي تداووه
واجلسوا جَنْبي ولا تلمسوني
والتعبْ فِيني كفَى ذي عرفتوهْ
وانظروا نَظْرَهْ تُطَيِّبْ شُجوني
تسْلِيَ الخاطرْ لأجْلِي وترضوهْ
عادني مجروحْ مِن ذي رَمَوْني
ذي رَمَوا قلبي وهم بايشوفوهْ
يوم طاروا كَنَّهُمْ طيَّروني
قدْ اخَذُوا قلبي معاهم يسلّوهْ
وايش ذنبي يوم جَوْ يشدفوني
يشدفوا قلبي وبعدى يخَلَّوهْ
ليس أنا بظلم وهم ذي لهوني
واعترضنا كلما قلت لَبُّوهْ
إن تلاقينا فهم يذكروني
وإن تباعدنا من الحبّ ينسوهْ