كيف افعل بقلبي ذي ماشي قنع
كلما قنَّعت قلبي في حبـك رجع
ياظالم لقلبي من حبك وانا
باتجاهل وبنسى منّك ما وقع
ذا قلبي معذب في حبك زمان
ذاق المر منك ايضا والهوان
وهذا ذنب قلبي ذي ماشي قنع
وانت فوق ظلمك مَحّد قد ظلم
لا ترثي لباكي لا تعرف ندم
لو حسيت مرة في عمرك ضنى
باتعرف عذابي باتحس الألم
يا اللي ماتراعي حتى من بكى
واللي في دموعه بايشكي شكا
هذا ذنب قلبي ذي ماشي قنع
ياما احتار فكري منّك في جفاك
وقلبي فوق مابه يدوّر صفاك
وانت ليش يا ظالم في الهوى
ياما اهتان قلبي في ذمة هواك
ماشي عاد عندك للوافي وفا
ضاع الود كله عندك والصفا
هذا ذنب قلبي ذي ماشي قنع