يقول بن لحول الشاعر في الحق عقـل يقديني
وهو في الحق ماتقدى ماعل وشبه مغثيني
لاقلت له شي رفض منه ماكان في يوم يرضيني
دايم وطبعه عَلَيْ قاسي بالبر قسوه يجازيني
بالله باتبع شفك لافين قصدك توديني
اتعبت حالي بتربيتك وانته تبا انك تربيني
من شانك اليوم بتنازل لهل الهوى وانت توحيني
بالدحق الكبر من شانك والاّ الشرف والحيـا فيني
باقول يازين من فضلك وقف دقيقه وتكفيني
بمسح بمنديلك الدمعه ذي نازله من سبل عيني
ذا الدمع كله على شائك وخـايف الـدمع يعميني
لو دمعتي وسط ثلاجه كان امتلا منها صيني
اتعبت حالي وانا حبك حتى في الدرب تغويني
واتذكر اسمك وانا صلي ياويلك اذنبت في ديني
ياريتنا ماعرفنا كم وش جابني ويش موزيني
نظره تنور لي الدنيا منك ونظره تبكيني
ويوم تظهر لي الصحبه واليوم الآخر تعـاديني
سيت العسل والصّبر جمعه في كوب واحد وتسقيني
مدري متى قلبك القـاسي يقنع بما قد صنع فيني
وانته نعيمي وجناتي وانت الدواء ذي يداويني