شوف قلبي في الهوى اتفتحـت وذاب
والهوى كله ضـنا كله عذاب
هد الرقاب
ضاعت الأفكار جملة والحساب
فك يـازين الغشاء فك النقاب
كم حلى في الحب تعذيبك وطـاب
فوش العتاب
وانت لاتسمع من العاشق خطاب
ياسلا العاشق وياغاية مناه
ياحياة القلب يانعم الحياه
طول الحياة
ياغزال الواد ياعذب الـشفاه
كم نردد آه آه في الحب آه
والمنى منك حبيبي الانتباه
رغم العداه
انت بعدالله للداعي مجاب
في الحشا نار المحبة لاتزال
وانت هجرانك وصدك طـال طال
ياذا الغزال
طفي الحرقة وبادر بالوصال
واصل المشتاق حتى في الخيال
انت في الدنيا يميني والشمال
انت السؤال
وانت يحصل خطائي والصواب
عينك الكحلا تنفذ ماتبا
وانت يالمحبوب ماعندك نبأ
ماذا نبا
ياغزال الواد ياوالي الصبا
كلهم في القاع وانته في الجبا
لا تخلي وترنا كم يسجع هيا
زيل الوبا
يارفيع القدر ياعالي الجناب
جرحت عيني من اسباب البكا
كم شكيت مابي ولا فاد الـشكا
حكا حكا
من تولع بك تودا او اتكا
قلت القناعة وهب مني الوكا
مامعي ياصاحبي غيرك ركاء
قلت القناعة وهب مني الوكا
ان في قربك شفا جرح المصاب
قلبي حكا
لا جزي بالخير من رب الوجود
من جرى بعدي وبعدك بالصدود
وانت يارغدود لاتعمد عنود
يوم الوعود
حلنا نصبح كوى العاذل سـدود
مامعي ياسيد عكفة أوجنود
بس يكفي في الهوى هذا العقاب
واصل وعود
بس يكفي في الهوى هذا العقـاب