فضيله على العين، على عين يامعبد
اذا جاتها حفوه شكت عند مول البير
ولا حد معاها، معاها طلع يشهد
سوى دمعها والدمع متهوم بالتزوير
عيت خانها التعبير
وِوُحلِتْ و لا هي داريه تتجه لا وين
من الدمع خيفان، خيفـان لا ترمـــــد
ولا شي مثيل الدمع عا العين له تأثير
إذا خالط الأبيض الأسود
يسبّب لها غمشه كما آله التصوير
يقل النظر ويطير
وقدامها الواحد تشوفه كما اثنين
ولازل عزان فيها ولا عربد
ولا شي بها من ميفعه زلّ او تقصيره
وذي هم بحبان، بحبان والمحفد
يِعُرْفُون حق العين ويقدروه تقدير
وفي العسر والتيسير
عليهم وثن يوفوه لا شي عليهم دين
وان كان من عشق، من عشق تتقهد
أنا قول في العشاق ماينفع التحذير
فكم من محب ساهر الليل مايوهد
ولاجاب شي فيه المنوم ولا التخدير
يهدرس وراسه تير
بغا عند محبوبه ولاهو قدر زامين
وللعشق أبواب، أبواب تتقلد
وأوقات يفتحها التهيواس والتفكير
وله ذكر فواح، فواح مثل الند
وساعه تجي له ريح وتعكره تعكير
وله نار مثل الكير
لقاء يوم يطفيها اذا قد رشنها البين