أنت فين واغزير السّلى؟
أنت فين؟
أيش جرى لك غليت والاّ شرعك غلا؟
ياحَسِيْن
مثل حسنك عيون الملا أجمعين
لم ترَ ياخصيب الحلى ساحرين
واطير مُشوِّر عـلى
نبض الهوى والمواهب
وراح يناجي العـلا
بين الجوى والجوانـب
اقطع سفوح الـبلاد
واهجر ظلال الـشواجب
واجعل حضورك إلى
روح المحبين واجب
حلفت لا اسامرك
واقطف لحسنك نجوم
واسكب على خاطرك
أفراح نسل الغيوم
هيّا اغتنم حاضرك
واهجم بوصلك هجوم
فالوصل إن يغمرك
يدوم سحرك يدوم
وامغرد غَبَشْ
والشجن من شبام لاسواحل تهامه
يسمعك وانتعش
يحسب العيد آتي.. شفتهن بابتسامه
في جهيش ابتسامه
فيه تكرم كرامه
واخبره وامهيج بوحيك غرامه
على مه؟
هل طريق المحبه التوى؟
هل نسي موعده والأفير كلامه؟
محجور
حجرتك بروح السَّلى والسلامه
صُرْ عنادك لحين العناد والملامه
أتى رسول الهوى والتزم
كيف تجسر تجافي التزامه
هادروه..هادروه
بس أمانه تراعي الأمانه
أبشر وسيع التحراك هبا لك؟
أيش تعسّر قبالك؟
وأسفر مرتبط في سفر
هل معك شي خبر؟
أو هدايا تفرّح قلوب الصغار
أو بشاره تجوهر جبين النهار
والاّ زاد الحذر يرزفك
بالحذر