غابت وخلي مساهنا

يَا سَلوَة الرُّوح والْخاطِرْ

لّمَا مِتَى بَا تِعَذّبنَا

والود لي كان ما بيْنَنا عامِرْ

وَنَا على عَشْقَتكْ مضنى

ماانْسَاكْ ماانْسَاكْ يا هاجِرْ

وانْتِه حَدِيثي مَعَ المغنى

غايبْ وفي مُهْجَتِي حاضِرْ

صورَتْك في القَلْب تُنْظُرْنا

دايمْ لِعَهْدِ الهَوى ذاكِرْ

ما قَدَر اتْنَهّسْ ولا اتْهَنّا

يا ما ذَكَرْتَكْ ونا سامِرْ

والودْ لي كان ثالِثْنا

والوَرْد في خَدَّك السافِرْ

وَرِيْحَة الفُلّ والحِنّا

والصَّدْرُ بسْتان يا ساتِرْ

مِن الثَّمَرْ فيه كَمْ نِجْنى

والنَّجْم ياما مَسَى غايرْ

مِن الهَوى بَات يحْسِدْنا

بتْنا على أنْس مِتْواتِرْ

وفْنُون.. والعِشْق لُهْ معنى

واليُوم وَانْتِهْ عَلَيْ نافِرْ

شيْ با تِعُوِّد كما كُنّا

لا تْقُول ذَلاّ زَمَنْ عابرْ

مَنْ حَبَّ حَدْ قَطّ ما يشْنا

وِشْ بايِنَسِّيك يا ساحِرْ

ذِي قَدْ مَضَى مِنْ مَحَبَّتْنا