عيني وقلبي في الهوى اقلقني
وبالامل واليأس عذبني
أهرب من الواقع ويـدفعني
أين أشتكي يا ناس فهموني
العقل من هم الفراق قد طـار
والجسم من كثر الغرام منهار
والمخ ما كوده يصدر اشوار
من جهلهن شاموت صدقوني
تميت نفسي وسوسه وفسار
قلبي وعيني دخلني النار
من منكم لا مت يأخد الثأر
من الذي للحب علموني
من الـسبب في هذه المتاعـب
ومن هو الغلطان والمشاغب
هي العيـون أو قلبـي المطالب
ياسين على روحي يعذبوني
العين بتقل قلبـك المـودف
وسيء الاعمال والتصرف
والقلب ينكر قولها ويحلف
ان السبب في كل شي عيوني
أبو حسن وأحمد وعم نـصار
في بحر من حلبه بيكتـب أشعار
ما بـين قلبـي والعيون محتار
والـصدق لله كلهم عصوني
يا عين ما جـالش من التبـسار
مالش ومن جا عندنا ومن سار
والقلب يتوقف عـن التذكار
ومن سجل الحب خرجوني
يا عين ما الدافع وما المكلف
العادي احلا لش من التكلف
يا عين ما بش فيه ما يكلف
وكيف تهوي ناس يكرهوني