وَشَرْناها من الشِّتْري إلى الـشِّلْمان
وِصِبْحِتْ جاحِبِهْ عايدّ بن سـيفان
نواخيد السَّفاين ماعليهم مان
ولافي صاحب الدِّيرة أمانه
قَصَرْ بُهْ الجُوش من بحريته غـشمان
يِقُصّون الدِّقَلْ من قبل شي طوفان
بغوها غَصْب تمخر في غبب سـيلان
وهي قدها من الطرشه ملانه
أنا عارِفْ شُروط الجُوش والـدِّيمان
وعارف أنّ كُلْ موجة لها دفّان
ولا هِلّبْ إذا ماشفت بَرْ لي بان
ندوّر عامكايين الصيانه
درست العشق بحري قبل قع ربان
وبحر العشق مثل البحر له وديان
وحد يدخل يجيب اللول والمرجان
وحد ماجات حبه في ثبانه
ولا باقول خيره عادنا حَبّان
وعاد العين ساكن وسطها إنسان
وعاد القلب في بحر الهوى له شان
ونفسي ماروت منه ظمانه