هجرتك وامتحت ذكراك من قلبي
وغابت صورتك ذيـك الجميله
وكل ما كان في الوجدان لك مخبى
نهيته يا محب في ظرف ليله
ولا خليت من ذكراك عندي
سوى الهجران مِنّك والتحدي
وأشياء تدينك
اذا لزمتك بحق أو زاد لك حبي
تصنعت الزعل وعملت حيله
وإن صادفتني وخطرت من جنبي
لزمت الصمت ومسكت الطويله
ولا أدري ليش بالهجران تبدي
وايش السر من هجري وصدي
وانا ظنينك
انا شايل هموم الحب في قلبي
واحمالى في العشقه ثقيله
وبيّض مفرقـي من عادنا احبـي
وبي لزات جم ماهي قليله
ولكني اذا مديت يدي
نطول الغصن لي ممدود سدي
في وسط طينك
اذا فكرت ترجع يوم وتلبي
نداء قلبك وعشقتك الدويله
وتطرق للسعاده والهنا قلبي
عسى تلقى الى قلبي وسـيله
وتفتح ما غلق من باب ودي
وتحيي حب لك قد كان عندي
دائم يزينك